गौतमको परिवारको सम्मान तथा नेपालीभूमिको रक्षाका लागि लड्ने क्रममा मारिएका नेपालीलाई राहतस्वरुप चलाइएको अभियानमा संकलन भएको ७३ हजार ९ सय ७७ जापानीयान आइतवार पठाइएको हो ।
अभियानकर्ता ज्याक खड्काका अनुसार संकलन भएको ७३ हजार ९ सय ७७ जापानीयानको नेपाली ७० हजार ५ सय ५० रुपैयाँ सहिद परिवारलाई पठाइएको हो ।
अभियानमा खड्कासहित दिलु खत्री, यदुराम सापकोटा र जापानबाट सञ्चालित टप नेपाल अनलाइनले छुट्टाछुट्टै १०/१० हजार जापानीयान सहयोग गरेका थिए । २ हजार देखी ५ हजार जापानीयानसम्मका सहयोगी हातहरु बढ्दै गएपछि अभियान शनिवारसम्म लम्बाइएको थियो ।
जापानको जेनिथ रेमिट्यान्सबाट आइतवार पठाइएको रकम शोमवार कञ्चनपुरका सञ्चारकर्मी पप्पु गुरुङमार्फत पीडित परिवारसम्म पुर्याइने अभियानकर्ताले बताएका छन् ।
दुईसाता अघिपनि जापानबासीले गरिबी र आँखा नदेख्ने भएर खान लाउन समस्यामा परेका सप्तरीको गम्हरियाका शिवनारायण मण्डल परिवारलाई राहतस्वरुप १ लाख १४ हजार ४ सय ६६ जापानीयान पठाएका थिए ।
Post a Comment